ఏలూరు:-
ఏలూరుజిల్లా వరద ప్రభావిత ప్రాంతాల పరిశీలనకు వచ్చిన ముఖ్యమంత్రి నారా చంద్రబాబు నాయుడుకు ఏలూరు సిఆర్ఆర్ కళాశాలలోని హెలిపాడ్ వద్ద ఎంపీ పుట్టా మహేష్, జిల్లా అధికారులు, ప్రజాప్రతినిధులు ఘన స్వాగతం పలికారు. తదుపరి ముఖ్యమంత్రి నారా చంద్రబాబునాయుడు ఏలూరు కొత్త బస్ స్టాండ్ సమీపంలోని తమ్మిలేరు బ్రిడ్జిని ఎంపీ పుట్టా మహేష్ కుమార్, మంత్రులు, ప్రజాప్రతినిధులు జిల్లా అధికారులతో కలసి పరిశీలించారు. జిల్లా కలెక్టర్ తో వరద పరిస్థితుల పై సమీక్షించిన ముఖ్యమంత్రి తిరిగి సిఆర్ఆర్ కళాశాలలో ముంపు ప్రభావిత ప్రాంతాల రైతులు, అధికారులతో కొల్లేరు, ఉప్పుటేరు, తమ్మిలేరు వరదలపై సమీక్షించారు. వివిధ శాఖల అధికారులు వరద ప్రభావిత ప్రాంతాల వీడియోలను ఉప్పుటేరు వరదపై లైవ్ టెలీకాస్ట్ ను ముఖ్యమంత్రి వీక్షించారు. ముఖ్యమంత్రి నారా చంద్రబాబు నాయుడు మాట్లాడుతూ అందరికీ అండగా ఉంటామన్నారు.
తరచుగా ముంపుకు గురి అవుతున్న ఏలూరు శనివారపుపేట కాజ్- వే స్థానంలో 15 కోట్లతో నూతన వంతెన నిర్మాణం తక్షణం చేపడతామన్నారు. ఉప్పుటేరు పై రెగ్యులేటర్ నిర్మాణాన్ని, ఆకివీడు వద్ద ఉప్పుటేరు పై నిర్మించిన రెండో రైల్వే లైను ఉప్పుటేరు ప్రవాహానికి ఆటంకంగా ఉన్న పరిస్థితులను పరిశీలించి తగిన నిర్ణయాలు తీసుకుంటామన్నారు. వరి రైతులకు పంట నష్టపరిహారాన్ని హెక్టార్లకు 17 వేల నుండి 25 వేలకు పెంచుతామని అన్నారు. గత ప్రభుత్వం చేసిన పాపాలు శాపలుగా మారాయని, అన్ని వ్యవస్థలను భ్రష్టు పట్టించారు అని అన్నారు. పోలవరం మన రాష్ట్రానికి వరం అని అన్నారు. ఓట్లు వేశాము గెలిపించాము అక్కడికి మా పని అయింది అంటే కుదరదని ప్రభుత్వాన్ని నడిపించుకొని భాధ్యత ప్రజలేనన్నారు. నూటికి డబ్బయైమంది కౌలు రైతులు ఉన్నారు. త్వరలో నీటి సంఘాల ఎన్నికలు జరిపి డ్రైన్లు కాలువలు పూడిక తీయిస్తామన్నారు. రాత్రి, పగళ్ళు మీ కోసం కష్టపడి పనిచేస్తాను అని తెలిపారు.
.jpg)
